ارقص غني اصرخ .... اعمل اللي يظهرلك
اكفر ، آمن ، توب ، اعصي .... اعمل اللي يظهرلك ، في الاخر شكون بش يتحاسب انت والا هما ؟
ماتسمعش كلامهم و اعمل اللي في راسك ، كسرولك راسك ؟ طفيهم حط موزيكا مزيانة في وذنك اسمعها و جنح معاها و ماتعمل كان اللي يظهرلك
اخرج على خطهم ، كسر باب حبسهم و اعمل اللي يظهرلك ، انساهم احسبهم موش موجودين ، لازم عليك تبعهم و تمشي كيفهم ؟ لازم عليك تولي نسخة ليهم ؟ ابعد عليهم و اصنع روحك و كن اللي يظهرلك
قالولك ماتخممش ، ماتعملش ، ماتحبش ، مايجيش ، ربي ميحبش ، كلام الناس ، اعمل عقلك و تهد ... اكفر بهم و بكلام الناس معاهم و بربهم و اعمل اللي يظهرلك ... في الاخر انت اللي بش تعيش و انت اللي بش تتحمل حياتك بخيبتها و بهيتها ، هما اشمدخلهم فيك ؟
يتكلفوا و ينسنسوا و يعطوا في رايهم في الكبيرة و في الصغيرة موش مسلمين في شي ، كيف كيف ماتحسبهمش ، ماتخليهمش يفسدولك نهارك والا يغششوك ....حط موزيكا مزيانة في وذنك و خليهم يحكوا في اللي يحبوا ، يحبوا يحكوا خلي يحكوا حاجة ماتهمكش و ماتقلقكش
اعمل اللي يظهرلك و كن انت حتى حد ما يتحكم فيك و مايدخلك في حياتك
شكون هما بش يعطوا رايهم فيك والا يصححولك حياتك اللي ماجتش كيف ماحبوا هما يصنعوها
Bonjour Emillio :) ça me fait plaisir de recevoir votre lettre :) c'est mon profil facebook https://www.facebook.com/aya.chriki.351?ref=tn_tnmn tu peux me contacter ici ? :)
RépondreSupprimer