مانيش طالبة و شجعت برشا بش ينتخبوا الاتحاد العام لطلبة تونس ، مانيش طالبة و نستنى في هل النهار ليا برشا ، مانيش طالبة و ستنيت نتيجة الانتخابات ، مانيش طالبة و مشيت بش نحتفل مع رفاقي ، مانيش طالبة و رقصت و غنيت يا حجل و شيد قصورك و نشيد الاتحاد ... مانيش طالبة و فرحة و شديت دموعي بالسيف في كل مرة توصلنا فيها نتيجة فوز الاتحاد العام لطلبة تونس في احدى الجامعات بقابس ، مانيش طالبة و عيطت و صحت 'عاش الاتحاد العام لطلبة تونس' و قلت باعلى صوت 'جامعة شعبية تعليم ديمقراطي ثقافة وطنية' لين بح صوتي ، مانيش طالبة و نقزت و رقصت و فرحة و غنيت و حلمت و عيطت و كل مرة نقول لروحي يا آية ماكش طالبة اش مدخلك نشد بلاصتي و نقعد تجي فرحة اخرى بانتصار اخر تخليني نوقف و نعيط من جديد ب'عاش عاش عاش' مانيش طالبة و فرحت ، مانيش طالبة و حسيت بالفرحة بش تهزني الفوق و خلتني نحلم
مانيش طالبة لكن عرفت اليوم اللي الاتحاد عايش في كل واحد فينا من قبل لا نصلوله مانيش طالبة و عرفت الاتحاد عقلية و عايلة ملمومة مع بعضها تفرح و تغني و تحس بمشاكل بعضها
رفاقي نحبكم و نحب الفرحة معاكم .... ماعادش برشا و نولي معاكم معادش برشا .. رفاقي نمن بيكم
مبروك لينا
Aucun commentaire:
Enregistrer un commentaire