يقصولك جناحك !

تبدى صغير طاير ، تحلم و تخمم في حكايات مزيانة ، تبدى الدنيا ملونة بالوان زاهية ، مزينة في كل ثنية و كل تركينة تبني فيها حكاية ، تحلم فيها حلمة ، كل حلمة تكبر معاك و تهزك في ثنية ، دخلك لزناقي غريبة ، تضيعك ، دوخك اما تلقى روحك مازلت شادد الثنية و تبع في الضوء اللي قاعد تشوف فيه ، تزيد تمشي و كل مرة تشوف النور قريب و قريب توصله و تمسه بيديك ، قريب توصل لاحلامك ، كل ماتشوف احلامك تقرب الى ايديك ، كل ماتزيد تكبش فيها و في ثنيتك ، تكبش فيها بكل مافيك من قوة . تبدى فرحان ، تضحك ، و تنسى كل شيء خايب ، و الظلمة اللي عرضتك في الثنية و صعبتها عليك

اما قد ما مشيت و فرحت تلقى روحك مازلت ماوصلتش تبقى تسال علاش و كيفاش ؟ شبيني لتو لا وصلت اعلاش لتوا ماكملت فرحتى و وصلت لحلمي 

تحل عيونك ، تتلفت وراك تلقاهم قصولك جوانحك ، حرموا عليك الطيران و الحلم ، مشوك كيما يحبوا هما ، رسموك و صوروك و هندسولك ثنيتك كيما يحبوا هما 

خلوك تكون تصيورة صغيرة لهم هما ، ماخلوكش تكون انت 

قصولك جناحك